Mafia e parrini ( canta : Rosa Balistreri)

Mafia e parrini 

Ignazio Buttitta (testo)

Otello Profazio (musica)

Mafia e parrini 
Si déttiru la manu
Poveri cittadini
Poviru paisanu.

E mafia e parrini
si dettiru la manu.
E mafia e parrini
si dettiru la manu.

La mafia e li parrini,
eterni sancisuca!
Sidduni nni li spaddi
e corda chi nn'affuca

E mafia e parrini
si dettiru la manu.
E mafia e parrini
si dettiru la manu

Unu jsa la cruci,
l'autru punta e spara
Unu minazza lu 'nfernu,
l'autru la lupara.

Sicilia, quantu peni
e chiantu a cori ruttu:
rubbuni e scappularu
ti 'ncupunaru a luttu.

Chi semu surdi o muti??!
Rumpemu 'sti catini
Sicilia voli gloria!
Né mafia né parrini

E mafia e parrini
si dettiru la manu.
E mafia e parrini

si dettiru la manu